منتدى ارض الفيروز
السلام عليكم
أهلا وسهلا بك زائرنا الكريم ، في منتدي ارض الفيروز.المنتدى الرسمى لمحافظة جنوب سيناء
المرجو منك أن تقوم بتسجـيل الدخول لتقوم بالمشاركة معنا. عزيزى المواطن .....نحن معك
اجعل من نفسك عين لكل مسئول
بالتواصل المباشر بلا حدود او عقبات فلنتواصل سوياً بلا حدود ولنفتح أبواب الحوار المباشر والبناء من اجل حل جميع مشاكلكم وأخذ مشورتكم فى كافه القضايا التى تهم المحافظه .



منتدى يهتم بكل ما يختص بمحــافظــة جــنوب سـيـناء
 
الرئيسيةمكتبة الصورس .و .جبحـثالأعضاءالمجموعاتالتسجيلدخولعوده الى موقع المحافظة
المواضيع الأخيرة
المواضيع الأكثر شعبية
موعيد الاتوبيسات
ماهي التأمينات الاجتماعية وما المقصود منها ؟
كيفية حساب المعاش المبكر
قانون التامينات الجديد القانون رقم (135) لسنة 2010
تحميل كتب المنهج المصرى ترمين للصف الاول الابتدائى
الاسئلة الشائعة في الضريبة علي المرتبات
الصف الثالث الاعدادى لغة انجليزية ترم اول
تحميل كتاب Bit by Bit للصف الاول ترم 1 يشرح كتاب اللغة الانجليزية hand in hand
موقع وزارة المالية للتقديم الوظائف على الأنترنت حتى لمن سبق لهم التقدم بالورق
جريدة ارض الفيروز الطبيه
free counters
Free counters
أبريل 2017
الإثنينالثلاثاءالأربعاءالخميسالجمعةالسبتالأحد
     12
3456789
10111213141516
17181920212223
24252627282930
اليوميةاليومية

شاطر | 
 

 تقدر تقول بتحلم بايه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
bentsina
عضو نشيط
عضو نشيط
avatar

عدد المساهمات : 70
تاريخ التسجيل : 25/12/2010

مُساهمةموضوع: تقدر تقول بتحلم بايه    الأربعاء ديسمبر 29, 2010 10:30 am

السلام عليكم ابناء ارض الفيروز
اليوم الحمد لله على مارزقنا واطفا طمأ ارض الفيروز وجعلها واحه خضراء وفجر فيها عيونا كماء زمزم وحفظ كل ابنائها ورزقنا بمسئولين لا وصف لعقولهم وقلوبهم لا يرجون الا الله وجعلهم رحمه لنا
ابناء ارض الفيروز معظم المشروعات الكبيرة كانت فى البدايه مجرد حلم
حلم به اصحابه وظلوا يرددونه فى انفسهم وعشقوا الكفاح من اجل تحقيقه حتى صار حقيقه
فتعالوا
نقول احلامنا
يمكن نستطيع معا تحقيقها
وانا هبتدى انا بحلم بايه
على المستوى الشخصى كل احلامى حققتها فما حرمنى الله شيئا حلمت به وسعيت فى تحقيقه الا ورزقنى من يعيننى
اما
احلامى لارض الفيروز كتيييييييييييييييييييييييييييييييرة
اول حلم احتمال يتحقق رعايه صحيه وانا على يقين وتمام الثقه من ان سيادة المحافظ سيحقق لنا هذا الحلم والناس ترتاح من عناء التفكير من الذهاب الى شرم الشيخ او السويس او بورسعيد
صيح لم يتحقق
ولكن مجرد الحلم بانه احتمال نصحى يوم على خبر فى منتداكم او جريدة الشرم اليوم او حتى او ورقه جنب اللافتات فى الشوارع
ان سيادة المحافظ قرر ان يحافظ على اموال ابناء سيناء ونستفيد من المبنى قبل ان يصير تراب
مجرد الحلم بدة بيدينى امل وسعادة لانه يمكن يتحقق
--------------------------
اما حلمى التانى واللى جزء منه صارحقيقه بالفعل
وجودة جامعه فى طور سيناء
صحيح التعليم المفتوح التابع لجامعه القاهرة عوض عليهم الكثير ما حرموا منه واعطاهم الفرصه مرة اخرى ليجدوا انفسهم
ولكن
ليس كافى
فانا احلم بفرع لجامعه القاهرة او قناه السويس لفتح كليات ومعاهد تلبى احتياجتنا الفعليه من الكوادر العلميه المؤهلات التى تخدم المجتمع السيناوى وتساعد فى التنميه
فابنائها احق بها وواجب عليهم بناءها
ولن يتاتى ذلك ونحن بعيدون عن مراكز العلم والنور باكثر من 400 كيلومتر

الحقيقه انا هقولها فى قلبى لانى خجلانه من سيادة المحافظ
من كتر طلباتى واحلامى
لكن مين عارف يمكن يكون حلم سيادته كمان
زى ماكان
راعى للعلم فى الشمال
اسم مصر

على اسم مصر التاريخ يقدر يقول ما شاء

أنا مصر عندي أحب وأجمل الأشياء

بحبها وهي مالكة الأرض شرق وغرب

وبحبها وهي مرمية جريحة حرب

بحبها بعنف وبرقة وعلى استحياء

واكرهها وألعن أبوها بعشق زي الداء

واسيبها واطفش في درب وتبقى هي ف درب

وتلتفت تلاقيني جنبها في الكرب

والنبض ينفض عروقي بألف نغمة وضرب

على اسم مصر

مصر النسيم في الليالي وبياعين الفل

ومرايه بهتانة ع القهوة .. أزورها .. واطل

القى النديم طل من مطرح منا طليت

والقاها برواز معلق عندنا في البيت

فيه القمر مصطفى كامل حبيب الكل

المصري باشا بشواربه اللي ما عرفوا الذل

ومصر فوق في الفراندة واسمها جولييت

ولما جيت بعد روميو بربع قرن بكيت

ومسحت دموعي في كمي ومن ساعتها وعيت

على اسم مصر

أنا اللي اسمي حتحـور .. أنا بنت رع

مثـال الأمـومـة ورمـز الحـنـان

تفـيض حـلمـاتي وتمـلا الـتـرع

وتسـقـي البـشـر كلهـم والغـيـطان

نهايته يا مصر اللي كانت أصبحت وخلاص

تمثال بديع وانفه في الطين غاص

وناس من البدو شدوا عليه حبال الخيش

والقرص رع العظيم بقى صاج خبيز للعيش

وساق محارب قديم مبتورة ف أبو قرقاص

ما تعرف اللي بترها سيف والا رصاص

والا الخراب اللي صاب عقل البلد بالطيش

قال ابن خلدون أمم متفسخة تعيش ليش

وحصان صهل صحى جميع الجيش

على اسم مصر


النخل في العالي والنيل ماشي طوالي

معكوسة فيه الصـور .. مقلوبة وانا مالي

يا ولاد أنا ف حالي زي النقش في العواميد

زي الهلال اللي فوق مدنة بنوها عبيد

وزي باقي العبيد باجري على عيالي

باجري وخطوي وئيد من تقل أحمالي

محنيه قامتي .. وهامتي كأن فيها حديد

وعينيا رمل العريش فيها وملح رشيد

لكني بافتحها زي اللي اتولدت من جديد


على اسم مصر

مصر .. التلات أحرف الساكنة اللي شاحنة ضجيج

زوم الهوا وطقش موج البحر لما يهيج

وعجيج حوافر خيول بتجر زغروطة

حزمة نغم صعب داخلة مسامعي مقروطة

في مسامي مضغوطه مع دمي لها تعاريج

ترع وقنوات سقت من جسمي كل نسيج

وجميع خيوط النسيج على نبرة مربوطة

أسمعها مهموسة والا أسمعها مشخوطة

شبكة رادار قلبي جوه ضلوعي مضبوطة

على اسم مصر

وترن من تاني نفس النبرة في وداني

ومؤشر الفرحة يتحرك في وجداني

وأغاني واحشاني باتذكرها ما لهاش عد

فيه شيء حصل أو بيحصل أو حيحصل جد

أو ربما الأمر حالة وجد واخداني

انا اللي ياما الهوى جابني ووداني

وكلام على لساني جاني لابد أقول

--------


عدل سابقا من قبل bentsina في الأربعاء ديسمبر 29, 2010 5:00 pm عدل 1 مرات
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
.
عضو نشيط
عضو نشيط
avatar

عدد المساهمات : 44
تاريخ التسجيل : 11/10/2010

مُساهمةموضوع: رد: تقدر تقول بتحلم بايه    الأربعاء ديسمبر 29, 2010 12:19 pm

اكتب حلمك مهما يكون الحلم صغير

احلم بكرة انك تتغير

ايوه دى خطوه وخطوة جريئة

بكرة ابنك يجى ويقدر انه يخلى الحلم حقيقة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bentsina
عضو نشيط
عضو نشيط
avatar

عدد المساهمات : 70
تاريخ التسجيل : 25/12/2010

مُساهمةموضوع: رد: تقدر تقول بتحلم بايه    الأربعاء ديسمبر 29, 2010 4:45 pm

طيب ما انا صـــــــــابرة ومستنيه
احلام ضايعه وايـــــــام جايه
لكن الياس عمرة ما زارنى
وانا منتظرةابنى على دارنا
يجى يطمن قلبى عليا
خايفه عليهم من المستقبل
بادعى يفيقوا ليكـــــون اجمل
لازم احلم لازم احلم
ان محلمتش بكرة همــوت
وانا عروسه ومستنيه
بكرة ابنى يجى عليا
يمد ايديه ياخد باديه
يزرع ارضى ويخضرها
ومن معادنها يبنى مداين
تصبح ايه فى كل مكان
ينور اسمى فى كل زمان
ما انا اسمى جوة القران
بحلم بمدينه فيها جامعه
وللعلوم هنا جامعه
نور يضوى فى سمايا
وهو دا كل رجايا
بستنى ابنى اللى معايا ومنتظرة اللى هيعود
اللى سافر واللى غاب
واللى حبى فى قلبه ما غاب
واللى بيحلم يجينى بكرة
يبنى يعمر عنى يدافع
بقلمه وعلمه زى مدافع
اصلا انا حبى كان ليه دافع
قالى يا سينا حضنك دافى
بحرك سهلك محفور جوة
قلبى وعقلى
وكل ما فيا ليكى يا سينا استنينى
جايلك جايب الحلم معايا
وانتى رجايا وكل منايا
وانا ياحبايبى مستنيه
ابنى وصاحبه وكل حبايبى
وكل اللى ضحوا عشان عنيا
انا صابرة ومستنيه


sunny sunny sunny sunny
شكر خاص لكل العاملين على هذا المنتدى وجميع السادة الاعضاء وكل من مر وقرا الموضوع وشكر لكل من علق وشكرى للابن البار اللذى ياتى ويحول احلام ارض الفيروز الى حقيقه لتصير عروسه هذا الكون فقد منحها الله سبحانه وتعالى طبيعه وجمال تحلم به كل مدن العالم
لم ينقصها الا عقول وقلوب وسواعد ابناءها واحلام شباب لا تقهر وعزيمه وارادة اقوى من اى روتين
flower flower
مع اصدق تحياتى
بنت سينا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عاطف الطواب
عضو ممتاز
عضو ممتاز
avatar

عدد المساهمات : 130
تاريخ التسجيل : 31/10/2010
العمر : 51

مُساهمةموضوع: رد: تقدر تقول بتحلم بايه    الأربعاء ديسمبر 29, 2010 9:17 pm

شكرا علي الاحلام المشروعة
شكرا لبنت مصر المحروسة
بحلم ب 80 مليون غنوة جوة موسوعة
باسم مصر نهتف وايدينا مرفوعة
لرب السما يحفظ بلدنا
من غدر حاقد ناكر لخيرها وغصب عنه موجودة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
bentsina
عضو نشيط
عضو نشيط
avatar

عدد المساهمات : 70
تاريخ التسجيل : 25/12/2010

مُساهمةموضوع: رد: تقدر تقول بتحلم بايه    الخميس ديسمبر 30, 2010 9:17 am

لازم احلم واحلم واحلم
يوصل حلمى ولا مــــــا يوصل
يمكن واحد يقدر يسمع
يعمل حاجه وانا محتاجه
لاى مساعدة ما انا محتاجه
ارض جديدة للتعمير
عايزة الف ايد وايــــــــــــــــــــــــــــد
اللى قريب واللى بيعيد
عايزة مزينى ويا غديف
عايزة اولادى ويا الضيف
عايزة قلوب تجوب اراضيا
من سهول لجبال لميه
دا انا فيروز وكل ما فيا
ثرواااااااااااااااااااااات
ماهيحصوها لو عدوها
لان الله وهبها ليا
-------------------------------------------------------
باتمنى كل ابن من ابناء هذة الارض المقدسه اللذى منحه الله شرف ان يكون من ابناءها او منحه الشرف ليعمل فيها ان يخلص فى عمله وان يفكر ويعمل على استغلال ثروات وهبت اليها خصيصا من الخالق
ويشرفنى ان اضع كلمات عبر بها الدكتور يوسف خليف عن سيناء

سيناء ارض الفيروز


سَيناءُ عُـــروس بَـدَويـــــه **** سَيناءُ خُيول عَربـــــية


سَيناءُ حـمَامـــــات بِــيــض **** وَسَنـابِل قَمح ذَهــبيـــة


وَجَداوِلُ مِن عِـطر رَقـراق **** فَــوقَ ضِـــفاف وَرِديــــة


سَينَاءُ مــَناجِـــــمُ فَيـــــرُوز **** وَكُـنوزُ عَقِيق سِــحريـة


سَيناءُ تَمِيمةُ وادِى النيــــــلِ **** تَــعُودُ إِلى صَـدرِ الوَادِى


سَيناءُ تَعُودُ وَساقِى النُـــــورِ **** يَصـُبُ كُؤوسَ الأضواءِ


وَحَمام أَبيَضُ مِثلُ النـــــــُورَ **** يُرَفـــرِفُ بَينَ الأَحــيـــاءِ


وَغُصون مِن شَجَرِ الزيـتونِ **** تُغَــطى وَجهَ الصحـــَراءِ


وَطُيور خُضر فَوقَ الأُفــــقِ **** تُحــيِى ذِكرَى الشُهَـــــداءِ


وَغِـناء فَوقَ شِـــفاهِ الحُــــورِ **** يُحيِــى أَغلَى الأَسمـــــاءِ
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تقدر تقول بتحلم بايه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى ارض الفيروز :: القسم العام :: قضايا ساخنة على مائدة الحوار-
انتقل الى: